ميامي اوپن ٽينس وومينز سنگلز جي مقابلن ۾ ڪوڪوگوف ۽ ڪيرولينا موچووا سيمي فائنل ۾ داخل

فلوريڊا-25 مارچ (اي پي پي) آمريڪي مشهور  ٽينس رانديگر، عالمي  نمبر فور ۽ ايونٽ جي فورٿ سيڊڊ ڪوڪوگوف ۽ جمهوريه  چيڪ جي  ٽينس اسٽار ڪيرولينا موچووا پنهنجي ڪاميابين جو سلسلو جاري رکندي ميامي اوپن ٽينس ٽورنامينٽ جي وومينز سنگلز مقابلي جي سيمي فائنل رائونڊ ۾ پهچي ويون . 22 سالن جي ڪوڪوگوف وومينز سنگلز مقابلي جي ڪوارٽر فائنل ميچ ۾ سوئس مخالف رانديگرياڻي بيلندا بينڪڪ کي شڪست ڏئي سيمي فائنل لاءِ ڪواليفائي ڪيو، جڏهن ته 29 سالن جي ڪيرولينا موچووا ڪوارٽر فائنل ميچ ۾ ڪينيڊين مخالف وڪٽوريا مبوڪوڪو کي شڪست ڏني. پرڏيهي ميڊيا مطابق، ميامي اوپن مقابلن جو دلچسپ سلسلو هارڊ روڪ اسٽيڊيم، فلوريڊا ۾ جاري آهي. وومينز سنگلز مقابلي جي ڪوارٽر فائنل رائونڊ ۾، آمريڪا جي مشهور  ٽينس رانديگرياڻي ۽ ورلڊ نمبر فور سيڊ ڪوڪوگوف سٺي راند کيڏي ۽ سوئٽزرلينڊ جي  مخالف رانديگرياڻي  بيلنڊا بنڪڪ کي 3-6، 6-1، 3-6 تان شڪست ڏئي سيمي فائنل لاءِ ڪواليفائي ڪيو. چيڪ ريپبلڪ جي ٽينس اسٽار ڪيرولينا موچووا پڻ ٽاپ 8 رڪارڊ ٽوڙيو، سٺي راند کيڏي ۽ ڪينيڊين حريف وڪٽوريا مبوڪو کي شڪست ڏئي سيمي فائنل لاءِ ڪواليفائي ڪري ورتو.