ڄمون ڪشمير ۾ جيل مان آزاد 3 ڪشميري نوجوان تي ”جي پي ايس“ ٽريڪر لڳايو ويو

ڄمون – 19 مارچ (اي پي پي) ڀارت جي غيرقانوني قبضي ھيٺ ڄمون ڪشمير ۾ ڀارتي پوليس ضلعي ڪٺوعه ۾ 3 اھڙن ڪشميري نوجوان تي ”جي پي ايس“ ٽريڪر لڳائي ڇڏيا آھن، جن کي عدالت طرفان مليل ضمانت تي آزاد ڪيو ويو آھي. ڪشمير ميڊيا سروس مطابق پوليس ڊسٽرڪٽ اينڊ سيشن پرنسپل جي جج عدالت جي ھدايت تي مول راج، لياقت علي ۽ مقبول جي مسلسل نگراني لاءِ سندن گوڏن سان جي پي ايس ٽريڪر لڳائي ڇڏيا. ياد رھي ته اھو پھرين ڀيرو نه آھي ته والاريل علائقي ۾ ڀارتي انتظاميا جيل مان ضمانت تي آزاد ٿيل ڪشميرين کي ٽريڪر لڳائڻ جو حڪم ڏنو پر  اڄ جي ڪيترن ئي نوجوانن کي اھي ٽريڪر لڳايا ويا آھن.