صدر آصف علي زرداري پاران ڀارتي پراڪسي فتنه الخوارج جي 13 دهشتگردن کي مارڻ تي تي سيڪيورٽي فورسز کي خراج تحسين پيش

اسلام آباد -08 مارچ (اي پي پي)صدر آصف علي زرداري خيبر پختونخوا ۾ مختلف ڪارروائيون دوران ڀارتي پراڪسي فتنه الخوارج جي 13 دهشتگردن کي مارڻ تي سيڪيورٽي فورسز کي خراج تحسين پيش ڪيو آهي. آچر ڏينهن ايوان صدر جي پريس ونگ مان جاري بيان موجب صدر مملڪت آصف علي زرداري باجوڙ، بنون، ڊيره اسماعيل خان، خيبر ۽ ڏکڻ وزيرستان ۾ ڪامياب ڪارروائين تي سيڪيورٽي فورسز جي پيشيواراڻي مهارت کي ساراهيندي چيو ته ڀارتي پٺڀرائي ۾ سرگرم فتنه الخوارج جي دهشتگردن خلاف ڪارروائيون ملڪ جي امن لاءِ نهايت اهم آهن.