نائب وزيراعظم ۽ پرڏيهي وزير سينيٽر محمد اسحاق ڊار ۽ گڏيل عرب امارات جي نائب وزيراعظم ۽ پرڏيهي وزير جو ٽيليفون تي رابطو

اسلام آباد- 7 مارچ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار گڏيل عرب امارات جي نائب وزيراعظم ۽ پرڏيهي وزير عبدالله بن زيد النهيان سان ٽيليفون تي ڳالهه ٻولهه ڪئي. ڇنڇر ڏينهن پرڏيهي آفيس پاران جاري ڪيل بيان موجب ٻنهي اڳواڻن بدلجندڙ علائقائي صورتحال تي خيالن جي ڏي وٺ ڪئي ۽ امن ۽ استحڪام جي اهميت تي زور ڏنو. نائب وزيراعظم گڏيل عرب امارات سميت خطي ۾ تازين حملن تي ڳڻتي جو اظهار ڪيو ۽ متحده عرب امارات ۽ ان جي عوام سان پاڪستان پاران يڪجهتي جو اظهار ڪيو.