لاهور – 06 مارچ (اي پي پي) وزيراعظم محمد شهباز شريف ملڪ جي داخلي سلامتي بابت قدمن تي اطمينان جو اظهار ڪندي هدايت ڪئي آهي ته عوام جي جان ۽ مال جي تحفظ ۾ ڪا ڪسر نه ڇڏي وڃي. وزيراعظم محمد شهباز شريف وفاقي گهرو وزير محسن نقوي جي رهائشگاهه تي ويو جتي هن سندس خيريت معلوم ڪئي. وزيراعظم محمد شهباز شريف محسن نقوي جي صحتيابي لاءِ نيڪ خواهشن جو …
وزيراعظم شهباز شريف جي وفاقي گهرو وزير جي گهر آمد، محسن نقوي جي خيريت معلوم ڪئي، عوام جي جان ۽ مال جي تحفظ ۾ ڪا ڪسر نه ڇڏي وڃي: وزيراعظم
مزید خبریں
لاهور – 06 مارچ (اي پي پي) وزيراعظم محمد شهباز شريف ملڪ جي داخلي سلامتي بابت قدمن تي اطمينان جو اظهار ڪندي هدايت ڪئي آهي ته عوام جي جان ۽ مال جي تحفظ ۾ ڪا ڪسر نه ڇڏي وڃي. وزيراعظم محمد شهباز شريف وفاقي گهرو وزير محسن نقوي جي رهائشگاهه تي ويو جتي هن سندس خيريت معلوم ڪئي. وزيراعظم محمد شهباز شريف محسن نقوي جي صحتيابي لاءِ نيڪ خواهشن جو اظهار ڪيو جيڪو آچر ڏينهن اسلام آباد ۾ مظاهرين سان ڳالهه ٻولهه دوران زخمي ٿي پيو هو. وزيراعظم آفيس جي ميڊيا ونگ پاران جاري بيان موجب ملاقات ۾ ملڪ جي داخلي سيڪيورٽي ۽ مجموعي صورتحال تي خيالن جي ڏي وٺ ڪئي وئي. وفاقي گهرو وزير محسن نقوي وزيراعظم کي امن امان برقرار رکڻ جي لاءِ کنيل قدمن کان آگاهه ڪيو. وزيراعظم داخلي سلامتي بابت کنيل قدمن تي اطمينان جو اظهار ڪندي چيو ته عوام جي جان ۽ مال جي تحفظ جي لاءِ ڪا ڪسر نه ڇڏي وڃي. وفاقي گهرو وزير ٻڌايو ته پوليس سميت قانون لاڳو ڪندڙ ادارن کي ان ڏس ۾ واضح هدايتون جاري ڪري ڇڏيون آهن ۽ هو ذاتي طور تي سيڪيورٽي انتظامن جي مانيٽرنگ ڪري رهيو آهي.
