لاڙڪاڻو - 25 فيبروري (اي پي پي) مرڪزي تنظيم آرائين سوئيٽ هوم لاڙڪاڻو ۾ هڪ شاندار تقريب جو بندوبست ڪيو، جنهن ۾ 100 کان وڌيڪ مستحق ٻارن ۾ نون ڪپڙن جا جوڙا ورهايا ويا. تقريب جو خاص مهمان ڪمشنر لاڙڪاڻو عابد سليم قريشي ۽ ڊپٽي ڪمشنر لاڙڪاڻو شرجيل نور چنا هئا. ان موقعي تي ڪمشنر لاڙڪاڻو خطاب ڪندي چيو ته يتيم ۽ مستحق ٻارن جي سنڀال ۽ سرپرستي اسان سڀني جي گڏيل ذميواري آهي، ۽ اهڙا فلاحي قدم سماج …
مرڪزي تنظيم آرائين پاران سوئيٽ هوم لاڙڪاڻو ۾ هڪ شاندار تقريب جو بندوبست، 100 کان وڌيڪ مستحق ٻارن ۾ نوان ڪپڙا ورهايا ويا
مزید خبریں
لاڙڪاڻو – 25 فيبروري (اي پي پي) مرڪزي تنظيم آرائين سوئيٽ هوم لاڙڪاڻو ۾ هڪ شاندار تقريب جو بندوبست ڪيو، جنهن ۾ 100 کان وڌيڪ مستحق ٻارن ۾ نون ڪپڙن جا جوڙا ورهايا ويا. تقريب جو خاص مهمان ڪمشنر لاڙڪاڻو عابد سليم قريشي ۽ ڊپٽي ڪمشنر لاڙڪاڻو شرجيل نور چنا هئا. ان موقعي تي ڪمشنر لاڙڪاڻو خطاب ڪندي چيو ته يتيم ۽ مستحق ٻارن جي سنڀال ۽ سرپرستي اسان سڀني جي گڏيل ذميواري آهي، ۽ اهڙا فلاحي قدم سماج ۾ سٺو پيغام ڏين ٿا. ڪمشنر لاڙڪاڻو مرڪزي تنظيم آرائين جي ڪوششن کي ساراهيندي چيو ته ڏکايل انسانيت جي خدمت ئي اصل ڪاميابي آهي. ڊپٽي ڪمشنر لاڙڪاڻو خطاب ڪندي چيو ته ضلعي انتظاميه هميشه فلاحي سرگرمين جي حوصلا افزائي ڪندي رهندي ۽ مستحق ٻارن جي خوشين ۾ شامل ٿيڻ خوشي جو سبب آهي. مرڪزي تنظيم آرائين جي عهديدارن جو چوڻ هو ته انهن جو مقصد مستحق ۽ يتيم ٻارن کي خوشين ۾ شامل ڪرڻ ۽ انهن کي عيد جي تياري لاءِ نوان ڪپڙا مهيا ڪرڻ آهي ته جيئن اهي به ٻين ٻارن جيان خوشيون ملهائي سگهن.
