آءِ سي سي مينز ٽي 20 ورلڊڪپ: پاڪستان ۽ نيوزيلينڊ وچ ۾ ميچ (اڄ) ڪولمبو ۾ کيڏي ويندي

ڪولمبو-21 فيبروري(اي پي پي) آءِ سي سي مينز ٽي 20 ورلڊڪپ 2026ع جي سپر ايٽ مرحلي ۾ گروپ ٽو جو اهم مقابلو (اڄ) پاڪستان ۽ نيوزيلينڊ وچ ۾ آرپريماداسا اسٽيڊيم ڪولمبو ۾ کيڏي ويندي، ميچ شام 7 وڳي شروع ٿيندي. پچ رپورٽ مطابق آرپريماداسا اسٽيڊيم جي وڪيٽ اسپنرز لاءِ مناسب ٿي سگهي ٿي ۽ بائونڊريز وڏيون هجڻ سبب رنسون ٺاهڻ آسان نه هوندو. شام وقت هلڪي برسات جو مڪان به ظاهر ڪيو ويو آهي، جنهن سبب پاڪستان جو پريڪٽس سيشن رد ڪرڻو پيو. اهو مقابلو سپر ايٽ مرحلي ۾ ٻنهي ٽيمن لاءِ انتهائي اهميت رکي ٿو ۽ نتيجو سيمي فائنل جي ڊوڙ تي گهرا اثر وجهي سگهي ٿو.