وزيراعظم شهباز شريف پاران بلوچستان ۾ 5 ڀارتي حمايت يافته دهشتگردن کي مارڻ تي سيڪيورٽي فورسز کي خراج تحسين پيش

اسلام آباد – 26 ڊسمبر (اي پي پي) وزيراعظم محمد شهباز شريف بلوچستان جي ضلعي ڪوهلو ۾ 5 ڀارتي حمايت يافته دهشتگردن کي مارڻ تي سيڪيورٽي فورسز کي خراج تحسين پيش ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم چيو ته انسانيت جي دشمن دهشتگردن جي ڪڌي ارادن کي خاڪ ۾ ملائي ڇڏينداسين. وزيراعظم چيو ته دهشتگردي جي خلاف عزم استحڪام ۾ پوري قوم سيڪيورٽي فورسز سان گڏ بيٺل آهي، ملڪ مان هر قسم جي دهشتگردي جي مڪمل خاتمي جي لاءِ پرعزم آهيون.