ملڪ جي اڪثر علائقن ۾ موسم ٿڌي ۽ خشڪ، اترين علائقن ۾ جزوي جهڙالي رهڻ جو امڪان آهي: موسميات کاتو

اسلام آباد-26 ڊسمبر (اي پي پي) ايندڙ 24 ڪلاڪن دوران ملڪ جي اڪثر علائقن ۾ موسم ٿڌي ۽ خشڪ جڏهن ته اترين علائقن ۾ جزوي جهڙالي رهڻ جو امڪان آهي، جڏهن ته پنجاب ۽ سنڌ جي مٿين ضلعن ۾ صبح ۽ رات جي وقت ڪوهيڙي پوڻ جو امڪان آهي. موسميات کاتي موجب گذريل 24 ڪلاڪن دوران ملڪ جي اڪثر علائقن ۾ موسم ٿڌي ۽ خشڪ جڏهن ته اترين علائقن ۾ شديد ٿڌي رهي. ڪالهه رڪارڊ ڪيل گرمي پد گهٽ ۾ گهٽ لهه ڪاٽو 10، استور، اسڪردو ڪاٽو 6، گوپس ڪاٽو 5، ڪالام ،گلگت، ڪوئيٽا ۽ دير ۾ ڪاٽو 3 ڊگري سينٽي گريڊ رڪارڊ ڪيو ويو.