ڀارت ۽ افغانستان جو 10 آڪٽوبر تي جاري ٿيندڙ گڏيل بيان گڏيل قومن جي سلامتي ڪائونسل جي لاڳاپيل قراردادن خلاف ورزي آهي: پرڏيهي آفيس

اسلام آباد – 17 آڪٽوبر (اي پي پي) پاڪستان نئين دهلي ۾ ڀارت ۽ افغانستان جي گڏيل بيان تي پنهنجي سخت خدشن ۽ ردعمل کان پاڪستان ۾ افغانستان جي سفير کي آگاهه ڪندي چيو آهي ته 10 آڪٽوبر تي جاري ٿيندڙ بيان ۾ ڄمون ۽ ڪشمير کي ڀارت جو حصو قرار ڏيڻ گڏيل قومن جي سلامتي ڪائونسل جي لاڳاپيل قراردادن ۽ ڄمون ۽ ڪشمير جي قانوني حيثيت جي واضح خلاف ورزي آهي. پرڏيهي آفيس جي ترجمان شفقت علي خان پريس بريفنگ ۾ چيو ته اهو بيان ڀارت جي غيرقانوني طور تي قبضي هيٺ ڄمون ۽ ڪشمير جي ماڻهن جي خودمختياري جي حق لاءِ انهن جي منصفاڻي جدوجهد ۾ قربانين ۽ جذبن جي حوالي سان انتهائي بي حسي تي ٻڌل آهي. هن چيو ته پاڪستان افغان وقتي پرڏيهي وزير جي ان دعويٰ کي به سختي سان رد ڪري ڇڏيو ته دهشتگردي پاڪستان جو اندروني مسئلو آهي ڇو ته پاڪستان ڪيترائي ڀيرا فتنه الخوارج ۽ فتنه الهندستان جي دهشتگرد عنصرن جي موجودگي جي حوالي سان تفصيل ٻڌايا آهن جيڪي افغانستان جي اندر موجود عنصرن جي حمايت سان پاڪستان جي خلاف افغان سرزمين تان سرگرم آهن. ترجمان چيو ته دهشتگردي تي ضابطو آڻڻ جي ذميواري پاڪستان تي وجهڻ سان عبوري افغان حڪومت خطي ۽ ان کان ٻاهر امن ۽ استحڪام کي يقيني بڻائڻ جي پنهنجي ذميوارين کان آزاد نٿي ٿي سگهي.