وفاقي وزير سردار محمد يوسف جي صدارت هيٺ ايويڪيو ٽرسٽ بورڊ جي انتظامي ۽ آپريشنل معاملن تي جائزه اجلاس

اسلام آباد-08 آڪٽوبر (اي پي پي) مذهبي معاملن واري وفاقي وزير سردار محمد يوسف جي صدارت ۾ وزارت ۾ ايويڪيو ٽرسٽ جي انتظامي ۽ آپريشنل معاملن تي جائزه اجلاس منعقد ٿيو. وزارت جي ترجمان موجب اجلاس ۾ ايويڪيو ٽرسٽ بورڊ بابت تفصيلي بريفنگ ڏني وئي. اجلاس ۾ وفاقي سيڪريٽري ڊاڪٽر سيد عطاءُ الرحمان، مذهبي معاملن وارو ايڊيشنل سيڪريٽري ڊاڪٽر ساجد محمود چوهاڻ ۽ ٻين سينيئر آفيسرن شرڪت ڪئي. اجلاس دوران بورڊ بابت مختلف انتظامي ۽ آپريشنل معاملن تي تفصيلي خيالن جي ڏي وٺ ڪئي وئي.