پاڪستان جو آسٽريليا، بنگلاديش، ڪينيڊا، يونان، ڊينمارڪ، ڀارت، جرمني، نيپال، اسپين سميت ڪيترن ئي ملڪن ڏانهن کجي جو روانگي واپار جاري

فيصل آباد-22سيپٽمبر (اي پي پي) پاڪستان جو آسٽريليا، بنگلاديش، ڪينيڊا، يونان، ڊينمارڪ، ڀارت، جرمني، نيپال، اسپين، سريلنڪا، آمريڪا، فرانس ۽ برطانيه سميت ڪيترن ئي ملڪن ڏانهن کجي جو روانگي واپار جاري آهي، جديد پيداواري ٽيڪنالاجي اختيار ڪندي ان جي پيداوار ۾ وڌيڪ اضافو ڪري نه رڳو ملڪي ضرورتون پوريون ڪري سگهجن ٿيون پر روانگي واپار کي وڌيڪ وڌائي ۽ وڌيڪ قيمتي ناڻو ڪمائي سگهجي ٿو. ڊيٽ پام ريسرچ انسٽي ٽيوٽ جي ماهرن ٻڌايو ته پنجاب ۾ کجي جي پوک جي ايراضي 90 هزار هيڪٽرز تي ٿي وئي آهي جڏهن ته باغائي وڌ کان وڌ ايراضي تي کجي جي پوک ڪري بهترين پيداوار حاصل ڪري سگهن ٿا. هن ٻڌايو ته پنجاب ۾ کجي جي پوک مان 570 کان 630 هزار ٽن تائين ساليانو پيداوار حاصل  ڪئي ويندي آهي.