سينيٽ ميمبرن پاران 5 ڏينهن جي پگهار برسات ۽ ٻوڏ متاثرن کي ڏيڻ جو اعلان

اسلام آباد- 19 آگسٽ (اي پي پي) سينيٽ جي ميمبرن پاران 5 ڏينهن جي پگهار برسات ۽ ٻوڏ متاثرن کي ڏيڻ جو اعلان ڪيو آهي، جڏهن ته سينيٽ سيڪريٽريٽ کي چيو ويو آهي ته جيڪي ميمبر ان کان وڌيڪ ڏيڻ چاهين ان جي وڌيڪ ڪٽوتي ڪئي وڃي. سينيٽ ۾ سينيٽ چيئرمين سيد يوسف رضا گيلاني اعلان ڪيو ته ميمبرن جي 5 ڏينهن جي پگهار تازي ٻوڏ ۽ برسات سبب متاثرن کي ڏني وڃي. قانون واري وزير سينيٽر اعظم نذير تارڙ چيو ته سينيٽ جي عملي کي چيو وڃي ته جيڪي ميمبر هڪ مهيني جي پگهار ڏيڻ چاهين، انهن کان پُڇي ڪٽوتي ڪئي وڃي. هن هڪ مهيني جي پگهار ڏيڻ جو اعلان ڪيو.