اسان جي حڪومت پهريون ڀيرو ٽيرف ڪميٽي کي باقاعده منظم ڪيو، سيڪٽورلز جو انگ وڌائي 17 ڪيو ويو: ڄام ڪمال خان

اسلام آباد-15 آگسٽ (اي پي پي) واپار واري وفاقي وزير ڄام ڪمال خان چيو آهي ته اسٽريٽجڪ ٽيرف پاليسي 2021ع ۾ هڪ فريم ورڪ جوڙيو ويو هو جيڪي قدم 2021ع کان 2025ع وچ ۾ مڪمل نه ٿي سگهيا اهي هاڻ 2025ع کان 2030ع جي پاليسي ۾ شامل ڪيا ويندا. سامونڊي خوراڪ جي روانگي واپار تي ٽيرف جي معاملي تي سينيٽ جي اجلاس ۾ سينيٽر ذيشيان خانزاده جي ڌيان ڇڪايو نوٽيس جو جواب ڏيندي واپار واري وفاقي وزير چيو ته سياسي حوالي سان انهن معاملن تي ڳالهه ڪرڻ آسان آهي پر ان جا ڪيترائي پاسا آهن جن تي غور ۽ توازن ضروري آهي. هن چيو ته اسان جي حڪومت پهريون ڀيرو ٽيرف ڪميٽي کي باقاعده منظم ڪيو آهي ۽ سيڪٽورلز جو انگ پهرين پاليسي ۾ 13 کان وڌائي 17 ڪيو ويو آهي. ڄام ڪمال خان چيو ته هن پاڻ سمورن سيڪٽورلز سان ڌار ڌار ملاقاتون ڪيون، انهن کان تجويزون ورتيون ۽ مسئلن جي نشاندهي ڪئي ته جيئن انهن جو موثر حل ڪڍي سگهجي. هن وڌيڪ چيو ته نيشنل ٽيرف ڪميشن هڪ اهم ادارو آهي، ان جي صلاحيت کي ماضي ۾ ڪڏهن به نه وڌايو ويو. وفاقي وزير وضاحت ڪئي ته تمام گهڻ ايٽمز آهن جيڪي پاڪستان ۾ نٿا بڻجن پر انهن تي ٽيرف برقرار رکيو ويو هو، حڪومت انهن سمورن ايٽمز جو جائزو ورتو ۽ ڪيترن شين تي ٽيرف گهٽ ڪيو. ڄام ڪمال خان چيو ته ٽيڊاپ جو ڍانچو ماضي ۾ صرف بورڊ تائين محدود هو پهريون ڀيرو سب ڪميٽيون قائم ڪيون ويون آهن. اهڙي طرح ٽي ڊيپ ۽ اي ڊي ايف (اي ڊي ايف) ۾ سالن کان سڌارا نه ٿيا، ساڍا ٽن سالن جي اڳوڻي حڪومت ۾ به اهي سڌارا نه ڪيا ويا. واپار واري وزارت ۾ هيڊ آف ريسرچ ۽ هيڊ اف ڪمپلائنس جهڙا اهم عهدا خالي پيل هئا، جن کي اسان جي حڪومت پهريون ڀيرو مڪمل ڪيو. هن چيو ته مسئلن جي نشاندهي ۽ انهن جي حل لاءِ عملي قدم ضروري هئا، ۽ هاڻي اهي قدم جاري آهن ته جيئن صنعت ۽ واپار جي شعبي کي موثر مدد فراهم ڪري سگهجي.