پاڪستان جي وڏن آبي ذخيرن ۾ پاڻي جي سطح هن وقت وڌيڪ آهي، تربيلا ڊيم جي گنجائش 96 سيڪڙو آهي: محمد معين وٽو

اسلام آباد-13 آگسٽ (اي پي پي)آبي وسيلن واري وفاقي وزير محمد معين وٽو چيو آهي ته پاڪستان جي وڏن آبي ذخيرن ۾ پاڻي جي سطح هن وقت وڌيڪ آهي، تربيلا ڊيم جي گنجائش 96 سيڪڙو آهي جيڪا عام طور تي سال جي شروع ۾ ڏسڻ ۾ ايندڙ موسمي طور گهٽ ترين سطح کان نمايان تبديلي آهي. قومي اسيمبلي ۾ سوالن واري وقفي دوران قومي اسيمبلي ملڪ شاڪر بشير اعواڻ جي سوال جي جواب ۾ وفاقي وزير چيو ته سال ۾ ٻه مهينا تربيلا، منگلا ۽ چشمه جهڙن ڊيمن ۾ پاڻي جي سطح گهڻو ڪري گهٽ ترين سطح تي پهچي ويندي آهي، هن ان ڳالهه تي زور ڀريو ته اهو رجحان موجوده ذخيرن جي سطح سان بدلجي ويو آهي جيڪو پوري ملڪ ۾ پاڻي ذخيرو ڪرڻ جي مثبت صورتحال جي عڪاسي ڪري ٿو. هن ايوان کي ٻڌايو ته اڄ تائين تربيلا ڊيم 96 سيڪڙو ، منگلا 64 سيڪڙو ۽ چشمه 83 سيڪڙو ڀرجي چڪو آهي، مجموعي طور تي قومي پاڻي ذخيرو ڪرڻ جي سراسري صلاحيت جي اٽڪل 75 سيڪڙو تائين پهچي وئي آهي. مستقبل جي تيارين ۽ پاڻي جي کوٽ بابت سوال جي جواب ۾ وفاقي وزير چيو ته حڪومت گهريلو پاڻي جي کوٽ کي اڳڪٿين کان پوري طرح آگاهه آهي، هن چيو ته وزيراعظم محمد شهباز شريف ذاتي طور تي ان مسئلي کي حل ڪرڻ جي ڪوششن جي نگراني ڪري رهيو آهي. هي ٽئين ڏينهن اعليٰ سطح جو اجلاس منعقد ڪيو وڃي ٿو جنهن ۾ پاڻي ذخيرو ڪرڻ لاءِ نون منصوبن ۽ آپباشي ۽ باراني ٻنهي علائقن جي ڊگهي مدي جي حل تي ڳالهه ڪئي وڃي ٿي. صوبن ۾ پاڻي جي هڪجهڙي ورڇ جي سوال تي هن واضح ڪيو ته 1991ع جي واٽر ايڪارڊ تحت طريقڪار واضح طور بيان ڪيو ويو آهي جنهن تي سختي سان عمل ڪيو پيو وڃي، هر صوبو صرف پنهنجو حصو وصول ڪري ٿو ۽ هو پوءِ به پنهنجي پاڻي کي آزادڻي طور منظم ڪرڻ ۽ استعمال ڪرڻ لاءِ آزاد آهي. شفافيت کي وڌيڪ يقيني بڻائڻ ۽ اڻبرابري واري ورڇ جي خدشن کي ختم ڪرڻ لاءِ وفاقي وزير چيو ته ٽيلي ميٽري سسٽم لڳايو پيو وڃي ان سان هر صوبي ۾ پاڻي جي وهڪري جي حقيقي وقت ۾ نگراني ۽ تصديق ڪري سگهبي ۽ ان ڳالهه کي يقيني بڻايو ويندو ته ڪنهن به صوبي کي ان جي مقرر حصي کان گهٽ پاڻي نه ملي. جيڪڏهن ڪو صوبو اهو سمجهي ٿو ته ان کي رکيل پاڻي کان گهٽ پاڻي ملي رهيو آهي ته هو انگ اکرن يا مثال پيش ڪرڻ جي آجيان ڪنداسين، جيڪڏهن ڄاڻي واڻي گهٽتائي ثابت ٿي ته سخت ڪارروائي ڪئي ويندي.