صدر پاران زوب ضلعي ۾ ڀارتي حمايت يافته خوارجين جي خاتمي تي سيڪيورٽي فورسز کي خراج تحسين پيش

اسلام آباد-09 آگسٽ (اي پي پي) صدر آصف علي زرداري زوب ضلعي ۾ 14 ڀارتي حمايت يافته خوارجين جي خاتمي تي سيڪيورٽي فورسز کي زبردست خراج تحسين پيش ڪندي چيو آهي ته ٻن ڏينهن ۾ 47 دهشتگردن کي ختم ڪرڻ سيڪيورٽي فورسز جي وڏي ڪاميابي آهي. ايوان صدر جي پريس ونگ مان جاري بيان ۾ صدر چيو ته دهشتگردي جي ناسور کي پاڙ کان پٽي اڇلينداسين، قوم دهشتگردي خلاف جنگ ۾ پنهنجي سيڪيورٽي فورسز سان گڏ بيٺل آهي.