اسلام آباد-08 آگسٽ (اي پي پي) ڪي پي ڪي جي گورنر فيصل ڪريم ڪنڊي واپار واري وفاقي وزير ڄام ڪمال خان سان سندس رهائشگاهه تي ملاقات ڪئي ۽ کيس خيرسگاليءَ جو پيغام پهچايو. ڪالهه جاري ڪيل بيان موجب ملاقات ۾ گڏيل دلچسپيءَ جي معاملن، ڪي پي ڪي ۾ واپار، سيڙپڪاري ۽ روانگي واپار کي هٿي ڏيڻ جهڙن قدمن تي تفصيلي خيالن جي ڏي وٺ ڪئي وئي. ان دوران روانگي واپار …
ڪي پي ڪي جي گورنر فيصل ڪريم ڪنڊي جي واپار واري وفاقي وزير ڄام ڪمال خان سان ملاقات
مزید خبریں
اسلام آباد-08 آگسٽ (اي پي پي) ڪي پي ڪي جي گورنر فيصل ڪريم ڪنڊي واپار واري وفاقي وزير ڄام ڪمال خان سان سندس رهائشگاهه تي ملاقات ڪئي ۽ کيس خيرسگاليءَ جو پيغام پهچايو. ڪالهه جاري ڪيل بيان موجب ملاقات ۾ گڏيل دلچسپيءَ جي معاملن، ڪي پي ڪي ۾ واپار، سيڙپڪاري ۽ روانگي واپار کي هٿي ڏيڻ جهڙن قدمن تي تفصيلي خيالن جي ڏي وٺ ڪئي وئي. ان دوران روانگي واپار ۾ واڌ لاءِ ٽريڊ ڊولپمينٽ اٿارٽي آف پاڪستان هارٽيڪلچر ڊولپمينٽ اينڊ ايڪسپورٽ ڪمپني، جيمز اينڊ جيولري ۽ تماڪ جي سيڪٽر جي ڪردار تي به ڳالهه ٻولهه ٿي. وفاقي وزير هدايت ڪئي ته ٽي ڊي اي پي عملدار ڪي پي ڪي جي گورنر سان ملاقات ڪن ۽ پشاور ۾ زير تعمير ايڪسپو سينٽر بابت حڪمت عملي ۽ جاري قدمن تي تفصيلي بريفنگ ڏين. ملاقات ۾ گورنر واپار واري وزارت جي روانگي واپار کي هٿي ڏيڻ لاءِ ڪيل ڪوششن کي ساراهيو ۽ صوبي ۾ معاشي سرگرمين کي هٿي ڏيڻ لاءِ هر ممڪن تعاون جي خاطري ڪرائي. وفاقي وزير ڄام ڪمال خان چيو ته حڪومت جامع ۽ شموليتي معاشي ترقيءَ لاءِ پُرعزم آهي ته جيئن واپار ۽ معيشت جا ثمر سمورن صوبن تائين پهچي سگهن جن ۾ ڪي پي ڪي به شامل آهي.
