بندرگاهن تي روانگي واپار جي چارجز ۾ گهٽتائيءَ سان روانگي واپار ۾ نمايان واڌ جو امڪان آهي: جنيد انوار چوڌري

اسلام آباد-23 جون (اي پي پي)سامونڊي معاملن واري وفاقي وزير جنيد انوار چوڌري چيو آهي ته بندرگاهن کي واپار دوست ۽ لاڳت ۾ مؤثر بنايو پيو وڃي. روانگي واپار جي چارجز ۾ گهٽتائيءَ سان روانگي واپار ۾ نمايان واڌ جو امڪان آهي. سامونڊي شعبي ۾ سڌارا سامونڊي وسيلن جي مؤثر استعمال لاءِ ضروري آهن. وفاقي وزير جي صدارت هيٺ سامونڊي معاملن واري وزارت جي اسٽريٽجڪ روڊ ميپ جي حوالي سان ڪالهه اجلاس منعقد ٿيو. ان موقعي تي معاشي ترقيءَ لاءِ حڪومتي سڌارا جاتي ايجنڊا تي تفصيلي مشاورت ڪئي وئي. اجلاس دوران وفاقي وزير پورٽ قاسم تي روانگي واپار ڪندڙن جي چارجز ۾ 50 سيڪڙو گهٽتائيءَ جو اعلان ڪيو. ان موقعي تي ڳالهائيندي وفاقي وزير چيو ته چارجز ۾ گهٽتائيءَ سان واپاري سهولتن کي هٿي ملندي. مقامي ڪاروبار کي هٿي ڏيڻ اسان جي پهرين ترجيح آهي، ماهيگيري ۽ بندرگاهي واپار لاءِ ايڪو ڪلچر زون جو قيام اڻٽر آهي، پهرين قومي ميرين ۽ ايڪو ڪلچر پاليسي جلد متعارف ڪرائي ويندي، ميرين فشريز 410 ملين ڊالرن جي روانگي واپار جو هدف حاصل ڪري ورتو آهي. شپ راي سائيڪلنگ سان 6 ارب رپين جي آمدني حاصل ٿي. ماحول دوست شپنگ پاليسين تي تيزيءَ سان عملدرآمد جاري آهي. بندرگاهي انفراسٽرڪچر ۽ ڪسٽمز نظام جي جديد ڪاريءَ تي ڪم جاري آهي. بندرگاهن کي واپار دوست ۽ لاڳت ۾ مؤثر بنايو پيو وڃي. روانگي واپار جي چارجز ۾ گهٽتائيءَ سان روانگي واپار ۾ نمايان واڌ جو امڪان آهي. سامونڊي شعبي ۾ سڌارا سامونڊي وسيلن جي مؤثر استعمال لاءِ ضروري آهن. ميرين معيشت کي هٿي ڏيڻ لاءِ مضبوط قدم کنيا پيا وڃن.