اقتصادي معاملن واري وزارت جي ايڪس اڪائونٽ کي ھيڪرز جي ڪنٽرول مان ڪڍيو ويو: ترجمان

اسلام آباد – 09 مئي (اي پي پي) اقتصادي معاملن واري وزارت جي ايڪس اڪائونٽ کي ھيڪرز جي ڪنٽرول مان ڪڍيو ويو آھي. اقتصادي معاملن واري وزارت جي ترجمان گذريل ڏينھن جاري بيان ۾ چيو آھي ته حڪومتي ادارن جي ڪوششن سان ھيڪرن طرفان ڪيل تڪراري پوسٽ هٽائي وئي آھي ۽ اڪائونٽ في الحال ڊي ايڪٽيويٽ ڪرائي ڇڏيو آھي. ترجمان ٻڌايو ته دشمن گذريل رات ايڪس اڪائونٽ ھيڪ ڪري پاڪ – ڀارت ڇڪتاڻ جي حوالي سان نا مناسب پوسٽ ڪئي ۽ عالمي ادارن سامھون پاڪستان کي بدنام ڪرڻ جي سازش ڪئي جڏھن ته اقتصادي معاملن واري وزارت ۽ حڪومتي ادارن جي گڏيل ڪوششن سان دشمن جي اھا سازش ناڪام بڻائي وئي