خيبرپختونخوا جي تعليمي کاتي ملڪي صورتحال کي نظر ۾ رکندي تعليمي ادارن ۾ شاگردن کي شهري دفاع جي تربيت فراهم ڪرڻ جي هدايت

پشاور-08 مئي (اي پي پي) خيبرپختونخوا جي تعليمي کاتي موجوده ملڪي صورتحال کي نظر ۾ رکندي سمورن تعليمي ادارن ۾ شاگردن کي شهري دفاع جي تربيت فراهم ڪرڻ جي هدايت ڪري ڇڏي آهي. خيبرپختونخوا جي تعليمي کاتي طرفان جاري نوٽيفڪيشن موجب موجوده ملڪي صورتحال ۾ ڪنهن اسڪول ۾ اسپورٽس ۽ ٻيون تقريبون منعقد نه ٿينديون.تعليمي کاتي تعليمي ادارن کي شاگردن کي شهري دفاع جي تربيت فراهم ڪرڻ جي هدايت ڪئي. تعليم کاتي سمورن سرڪاري ۽ نجي تعليمي ادارن سميت تعليمي بورڊز جي سربراهن کي فيصلي کان آگاهه ڪندي هدايتن تي عمل ڪرڻ جو حڪم ڏنو آهي