ڀارت ۽ انگلينڊ جي ٽيمن وچ ۾ پنجن ميچن جي سيريز جي چوٿين ٽي – ٽوئنٽي ڪرڪيٽ ميچ 31 جنوري تي کيڏي ويندي

پوني -29 جنوري (اي پي پي) ڀارت ۽ انگلينڊ جي ڪرڪيٽ ٽيمن وچ ۾ پنجن ٽي – 20 عالمي ميچن تي ٻڌل سيريز جي چوٿين ميچ 31 جنوري تي مهارا شٽر ڪرڪيٽ ايسوسي ايشن اسٽيڊيم، پوني ۾ کيڏي ويندي. انگلينڊ جي قومي ڪرڪيٽ ٽيم اڄ ڪلهه ڀارت جي دوري تي آهي جتي اها ميزبان ٽيم خلاف پنجن ٽي – 20 ۽ ٽن هڪ ڏينهن وارين عالمي ميچن جي سيريز کيڏندي. ڀارت ۽ انگلينڊ جي ٽيمن وچ ۾ 5 ٽي – 20 ڪرڪيٽ ميچن جي سيريز جي چوٿين ميچ 31 جنوري جڏهن ته پنجين ۽ آخري ٽي – 20 ميچ 2 فيبروري تي کيڏي ويندي.