پيرس اولمپڪس جي وومينز فيلڊ هاڪي ايونٽ ۾ اڄ 6 ميچون کيڏيون وينديون

پيرس – 02 آگسٽ (اي پي پي) پيرس اولمپڪس گيمز 2024 ع ۾ شوقينن کي انتهائي دلچسپ ۽ سخت مقابلا ڏسڻ لاءِ ملي رهيا آهن. عورتن جي فيلڊ هاڪي ايونٽ ۾ (اڄ) ڇنڇر تي 6 ميچن جو فيصلو ٿيندو جيڪي آخري گروپ ميچون هونديون. ٽي ميچون گروپ اي ۽ ٽي گروپ بي مان کيڏيون وينديون. گروپ اي جي پهرين ميچ نيڌرلينڊز ۽ جاپان جي ٽيمن وچ ۾ کيڏي ويندي، ٻي ميچ چين ۽ فرانس جي ٽيمن وچ ۾ کيڏي ويندي جڏهن ته گروپ اي جي ٽئين ميچ جرمني ۽ بيلجيئم جي ٽيمن وچ ۾ کيڏي ويندي. اهڙي طرح گروپ بي جي پهرين ميچ انگلينڊ ۽ ارجنٽائن جي ٽيمن وچ ۾ کيڏي ويندي، ٻي ميچ آسٽريليا ۽ اسپين جڏهن ته گروپ بي جي ٽئين ۽ آخري ميچ آمريڪا ۽ ڏکڻ آفريقا جي ٽيمن وچ ۾ کيڏي ويندي. وومينز فيلڊ هاڪي ايونٽ جا 4 ڪوارٽر فائنلز 5 آگسٽ تي کيڏيا ويندا، سيمي فائنلز 7 آگسٽ، ٽئين پوزيشن لاءِ ميچ 9 آگسٽ جڏهن ته سون جي ٻلي لاءِ ميچ به 9 آگسٽ تي کيڏي ويندي.