چيچن سربراهه رمضان ڪادروف پنهنجي خط ۾ گڏيل قومن ۽ عالمي فورمن تي اسلام جي اصل تشخص کي اجاگر ڪرڻ تي وزيراعظم کي خراج تحسين پيش ڪيو آهي: چوڌري فواد حسين

اسلام آباد – 11 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته چيچن سربراهه رمضان ڪادروف وزيراعظم عمران خان جي نالي خط ۾ گڏيل قومن ۽ عالمي فورمن تي اسلام جي اصل تشخص کي اجاگر ڪرڻ تي وزيراعظم کي خراج تحسين پيش ڪيو آهي. وفاقي وزير پنهنجي هڪ ٽوئيٽ ۾ چيو ته چيچن سربراهه چيو ته دين جي خدمت لاءِ اسان حاضر آهيون ۽ توهان سان گڏ آهيون. چيچن سربراهه وڌيڪ چيو ته توهان جي روس جي دوري دوران ملاقات ڪري بي حد خوشي ٿي.