ڪراچي – 26 فيبروري (اي پي پي) سينيٽ چيئرمين ميان رضا رباني چيو آهي ته نيب جي قانون جو نئين سر جائزو وٺڻ جي ضرورت آهي ته جيئن سمورين ڌرين جو هڪ جهڙو احتساب ٿي سگهي، ملڪ ۾ جمهوري عمل جي تسلسل کي جاري رهڻ گهرجي، شهيد محترمه بينظير ڀٽو دنيا جي عظيم اڳواڻن مان هئي، سندس ويزن کي اڳتي وڌائڻ جي ضرورت آهي. اهڙن خيالن جو اظهار هن ايڪسپو سينٽر ۾ بينظير ڀٽو ميموريل ڪانفرنس کي خطاب ۽ بعد ۾ صحافين سان ڳالهائيندي ڪيو.