اسلام آباد – 13 نومبر (اي پي پي) گڏيل مفادن واري ڪائونسل آدمشماري 2017ع جي عبوري نتيجن جي بنياد تي نئين تڪبندين جو عمل شروع ڪرڻ جي تجويز تي اتفاق ڪيو آهي. گڏيل مفادن واري ڪائونسل جو 33 هون اجلاس وزيراعظم شاهد خاقان عباسي جي صدارت ۾ ٿيو جنهن ۾ پنجاب، سنڌ، خيبرپختونخواهه ۽ بلوچستان جي وڏن وزيرن شرڪت ڪئي. اجلاس کانپوءِ وزيراعظم جي ميڊيا معاملن واري خصوصي معاون ڊاڪٽر مصدق ملڪ ميڊيا کي اجلاس بابت بريفنگ ڏني ۽ چيو ته گڏيل مفادن واري ڪائونسل 2017ع جي آدمشماري جي عبوري نتيجن جي بنياد تي نئين تڪبندين جو عمل شروع ڪرڻ جي تجويز تي اتفاق ڪيو آهي.
