اسلام آباد – 03 – مئي (اي پي پي) وزيراعظم محمد شهباز شريف چين جي چينج 6 مشن سان گڏجي پاڪستان جي پهرين قمري سيٽلائيٽ مشن لانچ جي تاريخي سنگ ميل تي پوري پاڪستاني قوم کي مبارڪباد ڏني آهي. سوشل ميڊيا ايڪس تي پنهنجي پوسٽ ۾ هن چيو ته اڄ جو ڏينهن پاڪستان جي خلائي سائنس پروگرام جي لاءِ هڪ اهم سنگ ميل آهي، اسان کي پنهنجي سائنسدانن ۽ چين جي تعاون تي فخر آهي. اها ڪاميابي نوجوان ذهنن کي سائنس ۽ تحقيق ۾ ترغيب ڏيندي، اسان جي قمري پروگرام کي سگهه ڏيندي ۽ چنڊ بابت اسان جي علم کي سگهه ڏيندي.
