گڏيل قومون -03 مئي (اي پي پي ) گڏيل قومن چيو آهي ته غزه ۾ اسرائيلي جارحيت ماضي وانگر جاري رهي ته غزه جا تباهه شدهه گهر ٺهڻ ۾ 80 سال لڳي سگهن ٿا .اردو نيوز موجب گڏيل قومن جي ڊيولپمنٽ پروگرام ( اين ڊي پي ) جي جائزرپورٽ ۾ چيو ويو آهي ته غزه جي تباهه ٿيل گهرن جي تعمير ۾ 80 سال لڳي سگهن ٿا . يو اين ڊي پي پنهنجي رپورٽ ۾ تڪرار ۽ ماضي جي رجحان کي مد نظر رکندي ان جنگ جي سماجي معاشي پهلوئن ۽ اثرن جو تجزيو ڪيو آهي . يو اين ڊي پي جي منتظم ايچم سٽيزن چيو ته ان مختصر عرصي ۾ بي پناهه انساني نقصان ، وڏي پيماني تي تباهي ، غربت ۾ تيزي سان اضافي مستقبل ۾ بحرانن جي هڪ سلسلي کي جنم ڏيندو اهو ڪيترن ئي نسلن جو مسقبل خطري ۾ وجهندو رپورٽ ۾ چيو ويو آهي ته نون مهينن جي عرصي ۾ غزه جي آبادي ۾ غربت 38.8 سيڪڙو وڌي ڪري 2023 جي آخر ۾ 60.7 سيڪڙو تائين پهچي چڪي هئي جنهن جو واضح مطلب اهو آهي ته گهٽ آمدني واري طبقي جو وڏو حصو غربت کان هيٺ وڃي رهيو آهي .
