گڏيل قومون-08 فيبروري (اي پي پي)گڏيل قومن چيو آهي ته ترڪي ۽ شام ۾ زلزلي جي نتيجي ۾ بنيادي ڍانچي کي پهتل نقصان امدادي ڪارواين ۾ رنڊڪ بڻجي رهيو آهي، گڏيل قومن جي عملدارن جنيوا ۾ پريس ڪانفرنس دوران ٻڌايو ته شام ۽ ترڪيه ۾ بنيادي ڍانچي کي پهتل شديد نقصان سبب امدادي ڪارواين ۾ رڪاوٽ پيدا ٿي رهي آهي، هن چيو ته رابطا ٽيمون ترڪي جي هوائي اڏي اڊانا تي پهچي ويون آهن جڏهن ته انهن کي زلزلي جي مرڪز انتيب تائين پهچڻ ۾ ڏکيائيون درپيش اچي رهيون آهن ڇاڪاڻ ته روڊن تائين پهچڻ محدود ٿي ويو آهي، ان لاءِ ترڪ ڊيزاسٽر عملدار ٻين صوبن کان هيليڪاپٽر ۽ ٽرڪن کي پري پري وارن علائقن تائين پهچائڻ تي غور ڪري رهيا آهن.
