اسلام آباد – 23 مئي (اي پي پي) پاڪستان ۾ چين جي سفير سن وي ڊونگ چيو آهي ته پاڪستان ۽ چين معاشي سفارتڪاري جي رشتي ۾ ڳنڍجي چڪا آهن، ٻنهي ملڪن کي گڏجي پنهنجي عوام جي بهتري لاءِ ڪم ڪرڻو آهي، پاڪستان ۽ چين جي دوستي ”آئرن برادرز“ جي مثال وانگر مشهور ٿي چڪي آهي ۽ ٻنهي ملڪن جو عوام بنا ڪنهن فرق جي ان دوستي جي حمايت ڪري رهيو آهي. اهڙن خيالن جو اظهار هن پاڪ چين سفارتي لاڳاپن جي 65 هين سالگرهه جي موقعي تي ٿيندڙ تقريب کي خطاب ڪندي ڪيو. چيني سفير چيو ته ٻنهي ملڪن سدائين هڪ ٻئي جي مفادن جو تحفظ ڪيو آهي، پاڪ چين اقتصادي لنگهه ٻنهي ملڪن جي دوستي کي بلندين تائين پهچائي ڇڏيو.
