پاڪستان پاران ايس سي او جي علائقائي دهشتگردي جي خاتمي واري ڍانچي جي ڪائونسل جي 46هين اجلاس جي ڪامياب ميزباني

اسلام آباد – 14 سيپٽمبر (اي پي پي) پاڪستان شنگهائي تعاون تنظيم (ايس سي او) جي علائقائي دهشتگردي جي خاتمي واري ڍانچي (ريٽس) جي ڪائونسل جي 46هين اجلاس جي اسلام آباد ۾ ڪاميابي سان ميزباني ڪئي جنهن ۾ ان جي ايندڙ صدارت روسي فيڊريشن جي حوالي ڪئي وئي. سومر ڏينهن پرڏيهي آفيس جي ترجمان پاران جاري بيان موجب اهو پاڪستان جي ان عزم ۽ ڪردار جو عڪاس آهي ته هو ايس سي او – ريٽس کي مضبوط بڻائڻ ۽ دهشتگردي، عليحدگي پسندي ۽ انتهاپسندي جي خلاف گڏيل ڪوششن کي اڳتي وڌائڻ جي لاءِ ڪوششون ڪري رهيو آهي. پاڪستان روسي فيڊريشن کي “ريٽس” جي ايندڙ صدارت سنڀالڻ تي مبارڪباد پڻ ڏني.