وزيراعظم محمد شهباز شريف پاران ردالفتنه – 3 تحت ضلعي واشڪ ۽ ضلعي مستونگ ۾ دهشتگردن جي خلاف ڪامياب ڪاررواين تي سيڪيورٽي فورسز کي خراج تحسين پيش

لاهور – 06  آگسٽ (اي پي پي) وزيراعظم محمد شهباز شريف ردالفتنه – 3 تحت ضلعي واشڪ ۽ ضلعي مستونگ ۾ فتنه الهندستان جي دهشتگردن جي خلاف جدا جدا ڪامياب ڪاررواين تي سيڪيورٽي فورسز کي خراج تحسين پيش ڪيو آهي. خميس ڏينهن وزيراعظم آفيس جي ميڊيا ونگ پاران جاري بيان موجب وزيراعظم انهن آپريشنز ۾ فتنه الهندستان جي 12 دهشتگردن کي مارڻ تي سيڪيورٽي فورسز جي واکاڻ ڪئي. هن چيو ته عزم استحڪام جي ويزن تحت دهشتگردي جي خلاف سيڪيورٽي فورسز شاندار ڪاميابيون حاصل ڪري رهي آهي، ملڪ مان هر قسم جي دهشتگردي جي مڪمل خاتمي جي لاءِ پُرعزم آهيون.