اسلام آباد – 29 آگسٽ (اي پي پي) صدر ممنون حسين چيو آهي ته پاڪستان جا بنگلاديش سان ڀائراڻا لاڳاپا آهن ۽ پاڪستان سڀني پاڙيسري ملڪن سان دوستاڻن لاڳاپن جو خواهشمند آهي. هن اها ڳالهه ايوان صدر ۾ پاڪستان جي بنگلاديش لاءِ نامزد سفير رفيع الزمان صديقي سان ڳالهائيندي ڪئي. صدر نامزد سفير تي زور ڀريو ته بنگلاديش سان لاڳاپا وڌيڪ بهتر بڻائڻ جي لاءِ روايتي سفارتڪاري کان هٽي ڪري ڪم ڪرڻ جي ضرورت آهي. هن چيو ته ٻنهي ملڪن کي ماضي جي تلخيون وساري اڳتي وڌڻو پوندو جيڪو ايندڙ وقت جي لاءِ تمام گهڻو ضروري آهي.
