آپريشن غضب الحق تحت افغان طالبان رجيم جا 464 ڇاڙتا مارجي ۽ 665 کان وڌيڪ زخمي ٿيا آهن: عطاءُ الله تارڙ

اسلام آباد – 03 مارچ (اي پي پي) آپريشن غضب الحق دوران 3 مارچ 2026ع تي ٽپهر 3 وڳي تائين افغان طالبان رجيم جا 464 ڇاڙتا مارجي ويا ۽ 665 کان وڌيڪ زخمي ٿيا. اطلاعات واري وفاقي وزير عطاءُ الله تارڙ سماجي رابطي جي پليٽ فارم ”ايڪس“ تي پنهنجي هڪ پوسٽ ۾ ٻڌايو ته آپريشن غضب الحق دوران افغان طالبان جون 188 چيڪ پوسٽون تباهه ٿيون جڏهن ته 31 چيڪ پوسٽن تي قبضو ڪيو ويو. اهڙي طرح 192 ٽينڪ، بڪتربند گاڏيون ۽ آرٽلري گنز تباهه ڪيون ويون. سڄي افغانستان ۾ 56 جاين کي فضائي ڪارروائي جي ذريعي موثر طور تي نشانو بڻايو ويو.