نائب وزيراعظم ۽ پرڏيهي وزير سينيٽر محمد اسحاق ڊار جي صدارت ۾ اجلاس

اسلام آباد  -24 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ٻاهرئين ملڪ خاص طور تي نار تعاون ڪائونسل (جي سي سي) ملڪن مان مٽاسٽا جي ناڻي جي وهڪري جو جائزو وٺڻ جي لاءِ هڪ اجلاس جي صدارت ڪئي. نائب وزيراعظم آفيس پاران جاري بيان موجب نائب وزيراعظم ڊيجيٽل ٽيڪنالاجيز جي استعمال جي ذريعي مٽاسٽا جي ناڻي جي وهڪري کي وڌائڻ، بهتر بڻائڻ ۽ سهولت جي فراهمي سان گڏوگڏ منتقلي جي وقت ۽ ڏيتي ليتي جي خرچن کي گهٽ ڪرڻ جي ضرورت تي زور ڏنو ته جيئن سمنڊ پار پاڪستانين ۽ انهن جي خاندانن جي بهتر خدمت ڪري سگهجي. اجلاس ۾ وزيراعظم جي خاص معاون ايم طارق باجوه، اسٽيٽ بئنڪ آف پاڪستان جي گورنر ۽ ڊپٽي گورنر ۽ ٻين لاڳاپيل عملدارن شرڪت ڪئي.