اسلام آباد - 23 آڪٽوبر (اي پي پي) پاڪستان قابض اسرائيل پاران پارليامينٽ ۾ متعارف ڪرايل هڪ قانوني مسودي جي ذريعي فلسطين ۾ غيرقانوني اسرائيلي آبادين سميت والاريل اولهندي ڪناري سميت ڪجهه حصن تي پنهنجي نام نهاد خودمختياري کي وڌائڻ جي ڪوشش جي شديد لفظن ۾ مذمت ڪئي آهي. پرڏيهي آفيس جي ترجمان پاران جاري بيان ۾ چيو ويو آهي ته اهو قدم عالمي قانونن، گڏيل قومن جي سلامتي ڪائونسل …
پاڪستان پاران قابض اسرائيل پاران پارليامينٽ ۾ متعارف ڪرايل قانوني مسودي جي مذمت
اسلام آباد – 23 آڪٽوبر (اي پي پي) پاڪستان قابض اسرائيل پاران پارليامينٽ ۾ متعارف ڪرايل هڪ قانوني مسودي جي ذريعي فلسطين ۾ غيرقانوني اسرائيلي آبادين سميت والاريل اولهندي ڪناري سميت ڪجهه حصن تي پنهنجي نام نهاد خودمختياري کي وڌائڻ جي ڪوشش جي شديد لفظن ۾ مذمت ڪئي آهي. پرڏيهي آفيس جي ترجمان پاران جاري بيان ۾ چيو ويو آهي ته اهو قدم عالمي قانونن، گڏيل قومن جي سلامتي ڪائونسل جي لاڳاپيل قراردادن ۽ فلسطيني عوام جي هٿ نه کڻڻ جهڙن حقن جي واضح خلاف ورزي آهي. بيان موجب اهڙو اشتعال انگيز ۽ غيرقانوني قدم خطي ۾ امن ۽ استحڪام حاصل ڪرڻ جي لاءِ جاري ڪوششن کي نقصان پهچائي ٿو. ترجمان چيو ته پاڪستان عالمي برادري کان مطالبو ڪري ٿو ته اها ان غيرقانوني قدم کي روڪڻ جي لاءِ فوري ۽ فيصلائتو قدم کڻي ۽ اسرائيلي قابض فوج کي عالمي قانونن جي مسلسل خلاف ورزين تي جوابده قرار ڏي. بيان ۾ وڌيڪ چيو ويو آهي ته پاڪستان علائقائي ۽ عالمي حصيدارن سان گڏجي فلسطيني عوام جي خودمختياري جي حق سميت انهن جي حقن کي برقرار رکڻ ۽ فلسطينين جي لاءِ امن، انصاف ۽ وقار کي يقيني بڻائڻ جي لاءِ پنهنجي عزم جو ورجاءُ ڪري ٿو. پاڪستان فلسطين ڪاز جي لاءِ پنهنجي اڻٿڪ حمايت جو به ورجاءُ ڪري ٿو جنهن ۾ 1967ع کان اڳ جي سرحدن تي ٻڌل هڪ آزاد، خودمختيار، عمل جي قابل ۽ لاڳاپيل رياست فلسطين قائم ڪرڻ به شامل آهي جنهن جي گادي وارو شهر القدس الشريف هجي.
