پاڪ بحريه جي 55هين اسٽاف ڪورس جي شرڪت ڪندڙن پاران پرڏيهي وزارت جو دورو

اسلام آباد – 20 آڪٽوبر (اي پي پي) پاڪ بحريه جي 55هين اسٽاف ڪورس جي شرڪت ڪندڙن پرڏيهي وزارت جو دورو ڪيو. وفد کي پرڏيهي وزارت جي ذميوارين، پاليسي سازي جي عمل ۽ پرڏيهي پاليسي جي اهم چئلينجز کان آگاهه ڪيو ويو. پرڏيهي آفيس جي ترجمان پاران جاري بيان موجب پرڏيهي آفيس جي دوري تي آيل وفد کي ايڊيشنل پرڏيهي سيڪريٽري (ترجمان) طاهر اندرابي بريفنگ ڏني. پاڪستان نيوي، آرمي، فضائيه ۽ 16 دوست ملڪن جي آفيسرن تي ٻڌل وفد کي پرڏيهي وزارت جي ذميوارين، پاليسي سازي جي عمل ۽ پرڏيهي پاليسي جي اهم چئلينجز کان آگاهه ڪيو ويو.