نائب وزيراعظم ۽ پرڏيهي وزير سينيٽر محمد اسحاق ڊار پاران پاڪستان ۾ يورپي يونين جي نئين مقرر ٿيندڙ سفير جي آجيان

اسلام آباد – 20 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار پاڪستان ۾ يورپي يونين جي نئين مقرر ٿيندڙ سفير ريمنڊاس ڪروبليس جي آجيان ڪئي ۽ مقرري تي مبارڪباد ڏيندي جي ايس پي پلس جي فريم ورڪ تحت تعاون جي فروغ جي عزم جو ورجاءُ ڪيو. پرڏيهي آفيس جي ترجمان پاران جاري بيان موجب نائب وزيراعظم/ پرڏيهي وزير سفير کي مبارڪباد ڏني ۽ جي ايس پي پلس جي فريم ورڪ تحت پاڪستان-يورپي يونين تعاون ۾ وڌيڪ اضافي جي لاءِ پاڪستان جي عزم جو ورجاءُ ڪيو. ان موقعي تي تازي علائقائي ۽ عالمي اڳڀرائي تي پڻ خيالن جي ڏي وٺ ڪئي وئي.