پاڪستان 3 سالن اندر جهاز راني جي صلاحيت ۾ 600 سيڪڙو اضافو ڪرڻ جو ارادو رکي ٿو: سامونڊي معاملن وارو وفاقي وزير

اسلام آباد -29 جولاءِ (اي پي پي) سامونڊي معاملن بابت وفاقي وزير جنيد انوار چوڌري چيو آهي، ته پاڪستان ايندڙ 3 سالن ۾ پنهنجي جهاز راني جي صلاحيت ۾ 600 سيڪڙو اضافو  ڪرڻ جو ارادو رکي ٿو جنهن ۾ اسان جو ڌيان سرڪاري ٻيڙي ۾ گرين ٽيڪنالاجي ۽ توانائي تي هلندڙ جهازن کي شامل ڪرڻ تي ڌيان آهي، ميري ٽائم انفراسٽرڪچر کي مضبوط بڻائڻ ۽ پرڏيهي جهازن تي ڀاڙڻ گهٽ ڪرڻ جي ڪوششن تحت قومي جهاز راني جي ٻيڙي کي وسعت ڏيڻ ۽ جديد بڻائڻ لاءِ هڪ اهم قدم شروع ڪيو آهي. ان حوالي سان معاهدن تي صحيحن بابت اجلاس جي صدارت ڪندي وفاقي وزير چيو ته اهو قدم نه رڳو سامونڊي مال برداري جي بل کي گهٽ ڪرڻ ۽ مٽاسٽا جي ناڻي جي تحفظ لاءِ ڊيزائين ڪيو ويو آهي، پر هڪ صاف سٿري، وڌيڪ اثرائتي ملڪي ٻيڙي کي مضبوط ڪري موسمياتي سمارٽ ميري ٽائيم طريقن جي حمايت به ڪرڻ آهي. وفاقي وزير چيو ته پاڪستان ايندڙ 3 سالن ۾ پنهنجي جهاز راني جي صلاحيت ۾ 600 سيڪڙو اضافو ڪرڻ جو ارادو رکي ٿو جنهن ۾ اسان جو ڌيان سرڪاري ٻيڙي ۾ گرين ٽيڪنالاجي ۽ توانائي تي هلندڙ جهازن کي شامل ڪرڻ تي ڌيان آهي. وفاقي وزير جي سربراهي ۾ ڪراچي پورٽ ٽرسٽ ۽ پورٽ قاسم اٿارٽي رياست جي انتظام هيٺ پاڪستان نيشنل شپنگ ڪارپوريشن سان گڏوگڏ الڳ الڳ معاهدن تي صحيحيون ڪيون آهن جنهن ۾ ٻيڙي جي واڌ جي منصوبي لاءِ مالي تعاون جو واعدو ڪيو ويو آهي. معاهدن تي پي ٽي جي ٽرانزيشن مينجمينٽ ڪميٽي جي نمائندگي ڪندڙ عبدالله ذڪي ۽ پي ڪيو اي جي چيئرمين ريئر ايڊمرل (ر) سيد معظم الياس هلال امتياز (ملٽري)  پي اين ايس سي جي سي اي او سيد جرار حيدر ڪاظمي سان گڏ صحيحيون ڪيون. انهن معاهدن کي وفاقي وزير جنيد انوار چوڌري جي صدارت هيٺ اعليٰ سطحي پاليسي اجلاس جي ڪجهه ڏينهن کان پوءِ حتمي شڪل ڏني وئي جنهن ۾ ميري ٽائيم اسٽيڪ هولڊرز وزيراعظم جي آفيس طرفان بيان ڪيل ماحولياتي استحڪام ۽ قومي آبهوا جي هدفن سان سامونڊي ٻيري جي جديدڪاري کي هم آهنگ ڪرڻ تي اتفاق ڪيو. هن چيو ته حڪومت شفافيت ۽ ميرٽ جي بنياد تي فيصلا سازي لاءِ پرعزم آهي، اهو قدم سڄي دنيا ۾ گرين هائوس گئسن جي نيڪال ۾ سڀ کان وڏي شراڪتدارن  مان هڪ شپنگ انڊسٽري کي ڊي ڪاربونائيز ڪرڻ جي عالمي ڪوششن ۾ پنهنجو حصو وجهندي پاڻ کي هڪ علائقائي سامونڊي مرڪز طور تيار ڪرڻ جي پاڪستان جي ڪوششن جو حصو آهي.