گڏيل قومون-19 نومبر (اي پي پي) گڏيل قومن جي سيڪريٽري جنرل انتونيو گوتريش يوڪرين تڪرار کي وڌيڪ وڌڻ کان روڪڻ تي زور ڀريو آهي، پرڏيهي ميڊيا مطابق اها ڳالهه هن نيويارڪ ٽائمز جي رپورٽ تي تبصرو ڪندي ڪئي. جنهن ۾ چيو ويو هو ته آمريڪي صدر جوبائيڊن آمريڪي ساخته اي ٽي اي سي ايم ايس ميزائلن سان روسي سرزمين اندر حملن جي اجازت ڏني آهي. گڏيل قومن جي سيڪريٽري جنرل چيو ته اسان جو موقف واضح آهي ته يوڪرين جنگ جي مسلسل وڌڻ کان پاسو ڪرڻ گهرجي.
