ڊڪسول- 05 نومبر (اي پي پي) آمريڪي رياست نيوهيمپشائر جي هڪ ننڍي علائقي ڊڪسول نوچ مان پهريون صدارتي نتيجو ملي ويو آهي. جنهن مطابق ڪملا هيرس ۽ ٽرمپ وچ ۾ مقابلو برابر رهيو. بي بي سي مطابق ڊڪسول نوچ ۾ رهندڙ ڪميونٽي ۾ اڌ رات جو ووٽ ڏيڻ جي روايت آهي جڏهن ته نتيجي مطابق هتان ڪملا هيرس ۽ ڊونلڊ ٽرمپ کي 3 ٽي ئي ووٽ مليا. واضح رهي ته نيوهيمپشائر جي باقي حصن ۾ پولنگ جو عمل مقامي وقت مطابق صبح 11 وڳي ئي شروع ٿيندو.
