بيجنگ _ 22 آڪٽوبر (اي پي پي ) چين نئون سيٽلائيٽ تيان پنگ3 لانچ ڪري ڇڏيو جيڪو ڪاميابي سان مدار ۾ داخل ٿي ويو . پرڏيهي ميڊيا مطابق چين گذريل ڏينهن اتر چين جي صوبي شانزي ۾ واقع تائيوان سيٽلائيٽ لانچ سينٽر تان هڪ نئون سيٽلائيٽ ” تيان پنگ 3 “ سيٽلائيٽ لانگ مارچ _ 6 ڪيريئر راڪٽ جو استعمال ڪندي لانچ ڪيو جيڪو ڪاميابي سان پنهنجي طئي ٿيل مدار ۾ داخل ٿي ويو ، اهو خلائي ماحول سروي ۽ مداري اڳڪٿي جي ماڊل جي سڌارن بابت خدمتون فراهم ڪندو .
