ماسڪو-21 آڪٽوبر (اي پي پي) روس چيو آهي ته آمريڪا پاران ايٽمي هٿيارن جي ڪنٽرول تي ڳالهيون ڪرڻ جو مطالبو صرف دوکو آهي. پرڏيهي ميڊيا موجب پرڏيهي وزير سرگئي لاوروف چيو ته آمريڪي صدر جوبائيڊن جو ايٽمي هٿيارن جي ڪنٽرول تي اڳواٽ ڪنهن شرطن تي ڳالهين جو مطالبو صرف هڪ دوکي کان سواءِ ڪجهه ناهي. هن چيو ته بنا ڪنهن شرط جي ڊگهي استحڪام ۽ ايٽمي هٿيارن جي ڪنٽرول تي ڳالهين ڪرڻ جو مطالبو مذاق آهي ۽ ان جو مطلب اهو آهي ته آمريڪي پنهنجي نظرياتي دستاويزن ۾ اسان کي مخالف طور تي نامزد ڪرڻ جو حق برقرار رکي ٿو. سندس چوڻ هو ته آمريڪا جو بنا ڪنهن شرط جي ڳالهيون شروع ڪرڻ عقلمنداڻي تجويز ناهي.
