اسلام آباد-11 آڪٽوبر (اي پي پي)چين چيو آهي ته مستحڪم ۽ هاڪاري لاڳاپن لاءِ يورپي يونين ۾ شامل ٿيڻ لاءِ تيار آهيون. پرڏيهي خابرو اداري موجب اهڙن خيالن جو اظهار چين جي وزيراعظم گذريل ڏينهن لائوس جي گادي واري شهر وينٽيان ۾ اوڀر ايشيا سهڪار بابت اڳواڻن جي اجلاس جي موقعي تي يورپي ڪائونسل جي صدر چارلس مشيل سان ملاقات دوران ڪيو. هن چيو ته چين گڏيل استحڪام ۽ لاڳاپن جي رفتار تيز ڪرڻ، اسٽريٽجڪ اعتماد وڌائڻ ۽ سهڪار کي وڌيڪ مضبوط بڻائڻ لاءِ يورپي يونين سان گڏجي ڪم ڪرڻ لاءِ تيار آهي. هن چين ۽ يورپي يونين جي سفارتي لاڳاپن جي 50هين سالگره کي ماضي کي مستقبل سان ملائڻ لاءِ اهم قرار ڏيندي چيو ته چين يورپي يونين سان عالمي امن ۽ ترقي واري مقصد کي اڳيان وڌائڻ ۽ ٻنهي ملڪن جي عوام جي بهتري لاءِ سهڪار ڪرڻ لاءِ تيار آهي.
