سيئول-04 آڪٽوبر (اي پي پي) اتر ڪوريا چيو آهي ته جيڪڏهن ملڪ تي حملو ٿيو ته ايٽمي هٿيارن جي استعمال کان پاسو نه ڪيو ويندو. پرڏيهي خابرو اداري مطابق اتر ڪوريا جي اڳواڻ ڪم جونگ آن چيو آهي ته جيڪڏهن ملڪ تي حملو ٿيو ته هو ان سلسلي ۾ سمورين جارحاڻين صلاحيتن کي استعمال ڪرڻ کان پاسو نه ڪندو. هن چيو ته دشمن انتهائي بيوقوفي ۽ لاپرواهي سان اسان جي ملڪي خود مختياري تي قبضو ڪرڻ لاءِ هٿياربند فوج کي استعمال ڪرڻ جي ڪوشش ڪئي ته اسان بنا ڪنهن هٻڪ جي ايٽمي هٿيارن جو استعمال ڪنداسين. هن پنهنجي بيان ۾ ڏکڻ ڪوريا جي اڳواڻ يون سڪ يول کي هڪ ڪٺ پتلي طور بيان ڪندي چيو ته هو اولهه جي ملڪن جي اثر هيٺ آهي جنهن مان ڪنهن به بيوقوفي جي اميد ڪري سگهجي ٿي.
