پيرس – 4 آڪٽوبر (اي پي پي) آمريڪي صدر جوبائيڊن جي ايران ۾ تيل جي ٺڪاڻن تي اسرائيل جي امڪاني حملن بابت ڏنل بيان بعد عالمي مارڪيٽ ۾ تيل جي قيمتن ۾ اضافو ڏسڻ ۾ آيو آهي پرڏيهي ميڊيا مطابق گذريل ڏينهن وائٽ هائوس ۾ صحافي سوال ڪيو ته توهان ايران جي تيل جي ٺڪاڻن تي حملن جي حمايت ڪيو ٿا، جنهن تي صدر بائيڊن چيو ته اسان ان تي ڳالهيون ڪري رهيا آهيون. آمريڪي صدر جي ان بيان بعد عالمي مارڪيٽ ۾ تيل جي قيمتن ۾ 05 سيڪڙو اضافو ٿيو آهي. جوبائيڊن وڌيڪ چيو آهي ته کيس اسرائيل طرفان فوري ڪارروائي جي اميد ناهي جڏهن ته ماضي ۾ اسرائيلي وزيراعظم نيتن ياهو غزه ۽ لبنان جي معاملي ۾ تحمل کان ڪم وٺڻ جي مطالبي کي نظر انداز ڪندو رهيو آهي . ان کان اڳ اربع ڏينهن صدر جوبائيڊن واضع ڪيو هو ته ايران ايٽمي ٺڪاڻن تي اسرائيلي حملن جي حمايت نه ڪندو پر هن اهو پڻ چيو هو ته اسرائيل جي دفاع واري حق جي حمايت ڪري ٿو ۽ ايراني حملي جي جواب ۾ ڪجهه قدم کڻڻ جي ضرورت آهي.
