رياض-27 سيپٽمبر (اي پي پي) سعودي عرب جي گادي واري شهر رياض ۾ ڪتابن جو عالمي ميلو جنهن جي شروعات شاهه سعود يونيورسٽي ۾ ٿي چڪي آهي 5 آڪٽوبر تائين جاري رهندو. ميڊيا رپورٽن موجب ميلي ۾ ڪيترائي پويلين قائم ڪيا ويا آهن. ميلي ۾ ڪيمل ايئر 2024ع جي حوالي سان پڻ خاص پويلين قائم ڪيو ويو آهي جتي عرب ثقافت تي ٻڌل ڪتاب ۽ اٺن جي حوالي سان معلومات ۽ تصويرن وارا ڪتاب رکيا ويا آهن. ميلي ۾ ٻارن جي دلچسپي لاءِ خاص انتظام ڪيو ويو آهي. هر عمر جي ٻارن لاءِ مختلف ڪهاڻين جي ڪتابن کي پڻ ڪتاب ميلي ۾ شامل ڪيو ويو آهي. رياض ميلي ۾ سڀ کان منفرد شيءِ مصنوعي ذهانت وارا روبوٽس آهن جيڪي مختلف ٻولين ۾ اتي ايندڙ ماڻهن جي رهمنائي ڪري رهيا آهن.
