تل ابيب-19 سيپٽمبر(اي پي پي)اسرائيل جي فوج جا ڏکڻ لبنان ۾ حزب الله جي ٺڪاڻن تي هوائي حملا جاري آهن. اها ڪارروائي دفاع واري وزير يوايوگيلانٽ جي غزه ۽ لبنان ۾ جنگ جو نئون مرحلو شروع ڪرڻ جي اعلان بعد سامهو آئي آهي. پرڏيهي ميڊيا جي رپورٽ مطابق اسرائيلي ويڙهاڪ جهازن لبنان ۾ جبائن ، هلتام ، ڪفرقلعه ، اڊيسه ۽ شامه ۾ حزب الله جي ٺڪاڻن کي نشانو بڻائڻ جي دعويٰ ڪئي آهي. پرڏيهي ميڊيا مطابق اهي فضائي حملا اربع کان لبنان جي اتر اسرائيل تي 40 کان وڌيڪ راڪٽ فائر ڪرڻ بعد ڪيا ويا آهن. اسرائيلي فوج جي چيف آف اسٽاف هرزي حلوي چيو ته حزب الله سان ڇڪتاڻ ۾ اضافي بعد اسرائيل جي ايليٽ 98 هين پيرا ٽرو پر ڊويزن کي اتر غزه کان لبنان جي سرحد تي ٻيهر مقرر ڪيو ويو آهي.
