ممبئي-16 سيپٽمبر (اي پي پي) ڀارت ۾ تيز برسات سبب ڏار پوڻ سبب تاج محل جي ڇت مان پاڻي ٽمڻ لڳو. پرڏيهي ميڊيا مطابق آگره ۾ پيل تيز برسات سبب تاج محل جي ڇت مان پاڻي ٽمڻ لڳو جنهن بعد آرڪيالاجيڪل سروي آف انڊيا (اي ايس آءِ ) جا ماهر تاج محل جي ڇت ۽ گنبذ جو جائزو وٺي رهيا آهن. آرڪيالاجي ماهر راجڪمار پٽيل ٻڌايو ته زنگ سبب ڌاتن ۾ ڏار پئجي ويا آهن. جاچ جو عمل جاري آهي جيئن ئي گنبذ جي سطح خشڪ ٿيندي، ته ان جي مرمت ڪرڻ جو ڪم شروع ڪيو ويندو.
