رياض-31 مئي (اي پي پي ) سعودي عرب جي پرڏيهي وزير شهزادو فيصل بن فرحان غزه جي پٽي ۾ جنگ بندي ۽ ٻه رياستي حل لاءِ چين جي موقف کي ساراهيو آهي . الاخباريه موجب شهزادو فيصل بن فرحان چين عرب سهڪار فورم جي وزارتي اجلاس جي ڏهين سيشن ۾ خيالن جو اظهار ڪندي چيو ته جنگ بندي سميت ان ڳالهه کي يقيني بنائڻ ضروري آهي ته متاثرين لاءِ موڪليل امداد کي انهن تائين حفاظت سان پهچايو وڃي ان لاءِ راهدارين جو محفوظ هجڻ ضروري آهي هن ان ڳالهه تي زور ڏيندي چيو ته خطي جا مسئلن کي حل ڪرڻ لاءِ سياسي ۽ پر امن طريقي ۽ ڳالهين کي جاري رکڻ جي ضرورت آهي .
