انقره _ 30 مئي (اي پي پي ) ترڪيه جي صدررجب طيب اردوان غزه ۾ تازن وحشياڻن اسرائيلي حملن بعد گڏيل قومن کي شديد تنقيد جو نشانو بڻايو آهي . العربيه مطابق هن چيو ته گڏيل قومون پنهنجي عملي جي حفاظت به نٿيون ڪري سگهن . ۽ غزه ۾ گڏيل قومن بي بس ۽ سندن روح مري چڪو آهي . ترڪ صدر جو اهيو تبصرو اهڙي وقت سامهون آيو آهي جڏهن گڏيل قومن جي سلامتي ڪائونسل گذريل ڏينهن رفع جي اولهه ۾ بي گهر ماڻهن جي خيمه وسندي تي وحشياڻن اسرائيلي حملن تي خيالن جي ڏي وٺ لاءِ اجلاس ڪيو . ان حملن ۾ غزه جي شهري دفاع جي هڪ اهلڪار مطابق 21 ماڻهو مارجي ويا . ترڪ اڳواڻ اسرائيلي حملن خلاف گڏيل ڪاروائي ڪرڻ ۾ ناڪامي تي مسلمان ملڪن تي پڻ تنقيد ڪئي .
